by 
Things Every Buyer Should Know Before Booking a Flat or Shop
Property kharidna life ke sabse bade financial decisions me se ek hota hai. Chahe aap Bhiwandi me apna pehla flat le rahe ho, commercial shop kharid rahe ho ya office space, ek choti si mistake future me financial loss, legal problems ya regret ka reason ban sakti hai.
Aaj bhi bahut buyers sirf price aur location dekhkar decision le lete hain, jabki property kharidne se pehle kai important cheeze check karna bahut zaroori hota hai.
Is blog me hum discuss karenge:
property buy karte waqt log kaunsi common mistakes karte hain aur unhe kaise avoid kare.
1. Not Verifying MahaRERA Registration
Bahut buyers property book karne se pehle MahaRERA registration properly verify nahi karte.
MahaRERA registered project me transparency zyada hoti hai:
- project approvals
- possession timeline
- developer details
- legal permissions
sab clear rehte hain.
Especially under-construction projects me:
RERA verification bahut important hota hai.
Property book karne se pehle hamesha RERA number verify kare.
2. Area Ki Future Growth Ignore Karna
Kai buyers sirf current condition dekhte hain aur future development potential ignore kar dete hain.
Bhiwandi ke areas jaise:
- Kamatghar
- Kalher
- Narpoli
- Anjurphata
- Millat Nagar
- Gaibinagar
- Dargah Road
- Thana Road
- Bhiwandi Bypass
- Kongaon
rapidly grow ho rahe hain due to:
- better connectivity
- commercial development
- residential demand
Property lene se pehle check kare:
- future infrastructure
- road connectivity
- nearby schools/hospitals
- public transport
- future market demand
Ek achi location future resale value ko kaafi improve kar sakti hai.
3. Sirf Low Price Dekhkar Property Lena
Affordable property lena acchi baat hai, lekin sirf cheap price dekhkar decision lena risky ho sakta hai.
Kai buyers ignore kar dete hain:
- construction quality
- water availability
- parking
- legal approvals
- building maintenance
Kabhi kabhi low price hidden issues ki wajah se bhi hota hai.
Isliye:
sirf price nahi, overall value dekho.
4. Builder Ki Reputation Check Na Karna
Property buy karne se pehle developer ya builder ka background zaroor check kare.
Research kare:
- previous projects
- delivery history
- customer reviews
- construction quality
- legal disputes
Trusted builder future risk kaafi kam kar deta hai.
5. Site Visit Skip Karna
Online photos aur brochures kabhi bhi actual site visit replace nahi kar sakte.
Bahut buyers:
- WhatsApp photos
- ads
- social media videos
dekhkar hi decision le lete hain.
Ye risky ho sakta hai.
Site visit ke waqt:
- surroundings
- road access
- ventilation
- noise levels
- building quality
- neighborhood
properly check kare.
Join The Discussion